Month: September 2019

Կաքավ

Մշակումը՝ Արուսյակ Սահակյանի

Խռպոտ ձայն ունեցող ու ականջ չունեցող թռչունները չէին սիրում կարմիր կտուցով ու կարմիր տոտիկներով Կաքավին, որն օրնիբուն ման էր գալիս արտերում ու երգում: Նախանձից նրանց ձայնն ավելի էր խռպոտվում:

Մի օր հավաքվեցին ու գնացին Արծվի մոտ գանգատ անելու.
– Թագավորն ապրա՛ծ կենա, էդ անգործ, անբան Կաքավը ամբողջ օրը երգում է, չի թողնում, որ քո հրամանները լսենք:
Արծիվն էլ երգի հետ գլուխ չուներ և հրամայեց.

– Կաքավին ասեք՝ թող էլ չերգի:

Կաքավը լռեց:

Արտերը սպասեցին, սպասեցին Կաքավի երգին, բայց Կաքավն էլ չէր երգում: Արտերը կարոտեցին Կաքավի երգին ու խնդրանքով դիմեցին Արծիվ թագավորին.

Թագավորն ապրա՛ծ կենա,կարմրակտուց,կարմրատոտիկ Կաքավը կա, բայց նրա երգն էլ չկա.մեր հասկերը չեն քաղցրանա:

Արծիվն ասաց՝ թող երգի՛:

Բայց Կաքավն արդեն մոռացել էր իր երգի խոսքերը, միայն մեկ բառ էր հիշում.

-Կըղա՜, կըղա՜:

Մի երկու բառ էլ արտերն էին հիշում.

-Կաղ-կըղա՜, շաղ-կըղա:

Լինում է, չի լինում մի հայր նապաստակ է լինում:

Մի օր նապաստակը տնից դուրս է գալիս, տեսնում է՝ տան չորս բոլորն աղվեսներ են վազվզում:

Վա՜յ, իմ գլխին, հիմա ի՞նչ պիտի անեմ, իմ փոքրիկներին ինչպե՞ս սրանց

ձեռքից ազատեմ, – ասում է նապաստակը:

Բայց հայրիկը փորձված նապաստակ է: Նա անպայման մի ճար կգտնի:

Պստիկ շլդիկը նայում է ու զարմանում, թե ինչ է անում հայրիկը. ներկերը

հանել է, մի տախտակ դրել իր առջև և վրձնով ինչ-որ բան է գրում:

Տեսնես՝ այդ ինչ է գրում:

Հայրիկը տախտակը տարավ, տնկեց հենց իրենց տան գլխին ու սուս ու փուս

մտավ ներս:

Գալիս է աղվեսն ու կարդում.

<<Այստեղ ապրում է պարոն շունը: Ով գայլի կամ աղվեսի տեղ գիտի՝ խնդրեմ իմաց տա:>>

-Վա՜յ, տունս քանդվեց, – կանչում է աղվեսն ու լեղապատառ փախչում:

– Ա՛յ կնիկ, երեխանե՛ր, ժողովո՛ւրդ, պարոն շունը մեր անտառում է բնակվում:

Վե՛ր կացեք, գլխներս ազատենք, շո՛ւտ քոչենք հեռո՜ւ, հեռո՜ւ…

Ա՜յ, թե ուրախացան նապաստակները:

Կեցցե՛ մեր հնարագետ հայրիկը:

Հարցեր և առաջադրանքներ

Ի՞նչ ասաց հայր նապաստակը, երբ տեսավ աղևվեսներին: Կապույտով նշի՛ր հայր աղվեսի խոսքերը:

Ի՞նչ գրեց հայր նապաստակը տախտակին: Դեղինով նշի’ր այդ հատվածը:

Ինչպիսի՞ն էր հայրիկ նապաստակը: հնարագետ

Կազմի՛ր բառակապակցություններ:

խորամանկ ______խորամանկ_____Աղվես

վախկոտ     ______վախկոտ______բու_______________

անվախ       _____անվախ_______աղջիկ_______________

սպիտակ     ____սպիտակ_____շոր__________________

գույնզգույն _____գույնզգույն______ծիածան____________